ശ്.. ശ്
ചെകിളയിൽ തറഞ്ഞ
കരയിലേക്കൊരു
ഞാണിന്മേൽ കളി
ഉറയൂരി ഉപ്പേറ്റി
ചട്ട്യോളം ചാടി
ഒരെരിവു താളം
പൂമുഖത്തേക്ക്
ശ് ശ്...
നുരയട്ടെ
മൊരിയട്ടെ വാക്കുകൾ,
പൂമുഖത്ത്
പരസ്പരം നോക്കി
ഞങ്ങൾ ഇരുന്നു,
അടുക്കളയറിയുന്നോ
പൂമുഖവാണിഭം!
മൂക്കിന്റെ ഓട്ടകളിലെ
പശയിളക്കി
കൺപീളയിളക്കി
കൈനഖങ്ങളിലെ
ചായമിളക്കി
പരസ്പരം കാണാതെ
വാക്കുകൾ പുറം തിരിഞ്ഞിരുന്നു
ശ്ശ്..ശ്ശ്...
തോളോടു തോൾ ചേരാതെ
താളോടു താൾ ചേരാതെ
വാക്കുകൾ മിഴിച്ചു നിന്നു,
അഗ്നിശുദ്ധം
കരിയാത്ത വാക്കുകൾ
ശ്ശോ..
അടുക്കള കരിയുന്നു!
 |
| ലോകമലയാളം 2014 ഒക്ടോബർ |
No comments:
Post a Comment